Razmova.by

Заўжды цікавіўся, калі гаворка заходзіла пра розныя, як тут лепей сказаць, галінкі ці накірункі праваслаўнай рэлігіі. Цікавіла, наколькі яны ладзяць адны з адным? Я не маю на ўвазе спрэчкі паміж царквамі, кшталту паміж кіеўскім і маскоўскім патрыярхатам, але розніцу паміж коптамі ў Егіпце, праваслаўнай Эфіепіяй (быў, дарэчы, вельмі здзіўлены, калі даведаўся пра гэта), друзамі, армянскай царквой, грузінскай царквой. Ці усе яны сапраўдныя праваслаўныя? Ці можа менавіта яны сапраўдныя, а мы так, дзесці збоку
Цікава было б паразмаўляць на гэтую тэму

Напрамкі. Па мне кірунак ( не накірунак) - больш у сэнсе "куды ехаць". Але гэта афтоп тут, прабачце.

А ў чым "сапраўднасць" тых, не нашых? Там неяк праваслаўныя пастулаты ад нашых адрозніваюцца?
Я, калі назоў тэмы прачытала, адразу чамусьці пра грэка-каталіцкую царкву падумала. І яшчэ пра старавераў. У нас ёсць такія, як я таксама нядаўна даведалася. Але ўвогуле, на жаль, не вельмі ў тэме. Пытанне рэлігіі, і праваслаўя ў прыватнасці - складанае для мяне, калі шчыра... Але

... не ведаю наконт іншых краін... што ж тычыцца грузіі і арменіі, там праваслаўе было прынята значна раней, чым у той жа расіі... у арменіі праваслаўная суполка існавала ужо ў ІІІ стагоддзі, з 354 года, калі адбыўся першы сабор армянскай праваслаўнай царквы, праваслаўе лічыцца дзяржаўнай рэлігіяй...
... у грузіі адлік вядзецца з 324 года, калі дзякуючы намаганням святой ніно праваслаўе таксама стала дзяржаўным веравызнаннем...

... я ніколі не цікавілася пытаннем досыць глыбока, таму распавяду толькі тое, што ведаю і што бачыла на ўласныя вочы... у грузіі вернікі значна больш актыўныя, чым у нас... у царкву ходзяць амаль усе... калі праходзяць ці на машыне праязжаюць каля храма - 99% людзей хрэсціцца... пры гэтым нельга сказаць, што яны занадта рэлігіёзныя, апантаныя верай... гэта проста вельмі звычайная частка жыцця... у цэрквах пачуваешся вельмі камфортна, нават не ведаю, чаму...
... цікава, што шлюб, заключаны ў царкве, мае моц... мая сяброўка напачатку была павянчаная ў храме... згулялі вяселле... і з гэтага часу яна і яе абраннік лічыліся мужам і жонкай... я запыталася, калі будзе свецкая рэгістрацыя... яна адказала: "ай, як-небудзь з'ездзім, калі час будзе... гэта ж неістотна"...
... і яшчэ адно файнае назіранне... у грузінскім іканастасе, у адрозненні ад расейскага, не тры рады, а два... як сказала адна жанчына падчас экскурсіі па царкве: "гэта таму, што грузіны меньш грашаць"...
... вельмі здзівіла такая рэч... у гарах, на могілках ёсць невялікія царквушкі і каплічкі... яны зачыненыя на звычайныя замкі... дзе-небудзь на дзвярах ляжыць ключ... калі камусьці трэба, ён прыходзіць, адчыняе царкву, моліцца, ставіць свечкі, зачыняе і сыходзіць... свечкі ляжаць, іх проста бяруць і апускаюць грошы ў спецыяльную штуку... паўсюль - прыгожыя іконы, падчас даволі старажытныя... і нікому нават у галаву не прыходзіць нешта дрэннае зрабіць...

Армянская царква не праваслаўная (хоць і блізкая да праваслаўя). Афіцыйная назва "Армянская апостальская царква", на чале каталікос усіх армян (як я разумею, да каталіцтва гэты тытул дачынення не мае, проста такая назва). Адрозненне ад праваслаўя: праваслаўе прызнае ў Ісуса Хрыста дзве прыроды: Боскую і чалавечую, армянская царква толькі Боскую. Ну і ёсць некаторая розніца ў абрадах. Акрамя таго Армянская царква прызнае рашэнні толькі першых трох Сусьветных сабораў, а больш позніх не прызнае. Прыкладна такая ж вера ў Эфіёпскай праваслаўнай царквы (гэта значыць, яна завецца праваслаўнай, але не зусім праваслаўная). І быццам бы гэтак жа ў коптаў.

А вось Грузінская царква цалкам праваслаўная і ад РПЦ адрозніваецца толькі мовай набажэнстваў.

Ну не ведаю... Грашаць можа і не меньш, а добрых і прыстойных людзей там шмат...

Ну, можа, і ёсць розніца паміж РПЦ і Грузінскай царквой, але гэта толькі вонкава. А адна вера і абрады такія ж. А тое, што стаўленне да веры ў грузінаў можа быць у чым-то больш шчырае і трапятлiвае... гэта ўжо ставіцца да людзей, а не да веры...