Razmova.by

Цікавая першая тэма для "курылкі", я лічу

Як хто пазбавіўся (калі раней меў) ад гэтай шкоднай звычкі? Літаратура ўжо прачытана, цікавіць менавіта практычная рэалізацыя. Зараз палю няшмат, але жадаю кінуць зусім. Праблема для мяне зараз -- гэта цыгарэта пад піва. Ну не магу адмовіцца, каб не зацягнуцца.

Хаця я ніколі не паліў, але ў мяне таксама ёсць, што сказаць па гэтай тэме.
Пару гадкоў таму сябры запрасілі мяне з'ездзіць з імі ў невялічкую вёску Алтэстава, што ў 20 кіламетрах ад Адэсы.
Справа ў тым, што там ужо шмат гадоў нейкі кітаец практыкаваў акупунктуру (іглаўкалванне) і мае сябры ехалі падлячыцца.
Не буду ўдавацца ў падрабязнасці, бо кітаец даволі знакаміты і прагугліць яго элементарна, скажу толькі, што ехаць я пагадзіўся.
Карацей, калі людзі прасілі Дун Хуа дапамагчы кінуць паліць, то ён ставіў ім адну іглу ў руку і загадваў сядзець у яго прыёмнай да таго моманту, пакуль пацыент у роце не адчуе металічны смак, потым іглу вымаў. Працэдура цягнулася па-рознаму, у каго дзве гадзіны нічога не з'яўлялася, а былі, што і па шэсць чакалі, але пасля сеансу людзі ўжо не палілі і я бачыў гэта на свае вочы. Жыллё я здымаў з адным украінцам, ён паліў па два пачака ўдзень, а пасля Дун Хуа цыгарэты ў яго роце больш заўважана не было.

Таксама не паліў (толькі што ў школе колькі разоў). Але парады чуў.
Па-першае, пачні бегаць шмат. Гэта правентылюе легкія.
Па-другое, зрабі перапынак на месяц і ня пі зусім. Вытрымаеш тыдні 3-4, потым будзе шмат лягчэй. Паспрабуй потым выпіць куфлі 3-4 піва і не паліць. Вось тут самае цяжкае - калі пераможаш сябе, то зможаш піць піва бяз цыгарэтаў. Мой сябра змог (праўда, з другага разу).

Дык можа пачаць з піва?

З маго вопыту. Проста скажы сабе, што ты ня паліш два тыдні. І пратрымайся гэтыя два тыдні. Потом ізноў. Не кажы сабе, что ты кідаеш паліць назаўседы - ты проста ня палішь, і ўсе. Кажаш сабе, што можаш зноў запаліць у любы момант. Гэта здымае псіхалагічнае напружванне.

Наконт піва. Есць такая праблема. Тут трэба пратрымацца першыя куфля два-тры. І каб кампанія была не курцоў. Потом адчуеш, што можна піць піва і бяз цыгарэты.

Але для мяне, на самой справе, самым істотным фактарам стала экнанамічная палітыка нашай гордай і незалежнай краіны Я насамрэч зауседы паліў толькі Мальбара, і калі у нас застаўся толькі Кент і Лакі Страйк, проста фізічна адчуў, што не магу паліць гэтую дрэнь. Рэальна, проста ня мог. І тады працэсс адвучэння ад палення пайшоў як па маслу. Усе ж такі ад эканамінай палітыкі Лукашэнкі есць пэўная карысць

Галоўнае у гэтай справе - жаданне ці матывацыя. Напрыклад жаданне заняцца нейкім відам спорту і дасягнуць ў гэтым пэўнага ўзроўня. Калі прысутнічаюць абодва складнікі, то наогул выдатна. Да гэтага сціплага спісу можна дадаць яшчэ кампанію, калі ў ёй лічыцца нормай паленне і частае спажыванне алкаголю. Ніякія кнігі не дапамогуць, калі чалавек займаецца самападманам і проста шукае адгаворак, маўляяў "кінуць паліць нельга", "з маіх знаёмых я неведаю ніводнага хто гэта зрабіў", "вельмі цяжка", "пасля гэтага набіраюць вагу" і г.д. Галоўнае жаданне:)

... можаце верыць, можаце не... але сярод маіх знаёмых ёсць прынамсі дзесятак чалавек, якія кінулі паліць пры дапамозе кнігі аллена карра "легкі спосаб кінуць паліць"...

... рабіць нічога не трэба, толькі чытаць... шмат каму дапамагае...

... я таксама чытала... на сярэдзіне перастала паліць... але сяброўка (якая таксама кінула і не паліць ужо 4 гады) параіла дачытаць да канца... я так і зрабіла... і зразумела, на чым пабудаваны метад... таму зноў запаліла...

... але паспрабаваць варта, калі вы сапраўды ставіце перад сабой такую мэту...

Кідаў з дапамогай жуйкі "Нікарэтта". Дапамагае пазбавіцца "сіндрому адмены" і "мятлікаў" у вачах.

Не паліла 8 месяцаў. Зноў запаліла, як кінуць назаўжды? Пластыр, таблеткі таксама не дапамагаюць. Як настроіць сябе псіхалагічна.

Дзень добры!

Вельмі раю кідаць паліць як мага хучэй ажно з сёньняшняга дню
Сам паліў гадоў пяць-шэсьць таму (па-студэнцтву). Падзялюся досьведам кіданьня:
1) зразумець што гэта толькі звычка, нейкі залішні груз па жыцьці - які сам жа чалавек сабе ўзяў. Трэба проста паразважаць пэўны час - што яно такое і ці патрэбнае яно. (У мяне такія разважаньні пачаліся пасьля плаваньня ў басэйне, калі нават 50 м стала цяжкасьцю)
2) толькі калі з самім сабою знайшлася згода, можна пачынаць - і рабіць гэта паступова. Паступова, не зьмяньшаючы колькасці цыгарэт на дзень, памяньшаць дозу за кошт іх "моцнасьці". Галоўнае не сьпяшацца - рэальна давесьці да таго каб і "адзіначкі" хапала. Да гэтага можа прайсьці і 2, і 3 месяцы. А з той "адзіначкі" спрыгнуць ужо надта прасьцей. А там - свабода